Ciidamada Nabad Sugida ee ku sugan Magaalada Baladxaawo ee Gobolka Gedo ayaa waxa ay soo bandhigeen askari ay sheegeen in uu mudo ka tirsanaa Al-Shabaab balse ahatan isku soo dhiibay.
Askarigan Shabaabka ee isa soo dhiibay oo lagu Magacaabo C/llaahi Axmed Nuur, ayaa mudo ku siman 12 Sano ka barbar dagaalamayay Shabaab, Wuxuuna isa soo dhiibay isagoo wata Qori AK47 iyo Booshashkiisa.
Xiliga la qabanayay askarigan, waxaa eryanayay Dagaalamayaal kale oo Shabaab ka tirsan, waxeyna doonayeen iney gacanta ku soo dhigaan maadaama ay ogaadeen inuu doonaya inuu isu dhiibo Dhanka Maamulka Gedo sida uu sheegay taliyaha Nabadsugida gobolka Gedo.
Cali Xasan Deeq, Taliyaha Nabad Sugida Gobolka Gedo oo askarigan ku soo bandhigay Dooloow, ayaa fariin udiray askarta kale ee Shabaab iyo saraakiishooda, wuxuuna ka dalbaday iney ka faa’ideystaan Cafiskii uu ufidiyay Madaxweynaha Dalka Maxamed C/llaahi Maxamed (Farmaajo).
Hoos Ka Dhageyso Codka Taliyaha Nabad Sugida Gobolka Gedo Cali Xasan Deeq.
