Dhageyso:-Ciidamada Dowladda & kuwa AMISOM oo deegaano Cusub la wareegay

Ciidamada Dowladda Soomaaliya ayaa maalmihii la soo dhaafay waxa ay howlgallo ka wadeen deegaano iyo degmooyin ka tirsan Gobolka Hiiraan oo ay qaarkood ku sugnaayeen dagaalyahano ka tirsan Al-Shabaab .

Saraakiisha howlgalka hogaamineysa ayaa waxa ay sheegeen in howlgalka guulo waaweyn ka gaareen isla markaana deegaano dhowr ah ay kala wareegeen Al-Shabaab sida ay hadalka u dhigeyn.

Taliyaha Ciidamada Dowladda Soomaaliya ee Bariga Gobolka Hiiraan Col,Maxamed Maxamuud Saney oo la hadlay Dalsan ayaa sheegay in howlgalka ay Ciidamadu ku wehlinayeen AMISOM,isla markana ay kula wareegeen deegaano hor leh kuwo kalen ay ku wajahan yihiin.

Waxa uu sheegay in iyaga oo gacan ka helaya Ciidamada AMISOM iyo dadka Shacabka ah eek u nool Bariga Gobolka Hiiraan ay siiwadi doonaan howlgalka.

Sikastaba arrintaan ayaa ku soo aadeysa xili Taliyaha Ciidamada Xoogga Dalka Soomaaliyeed guutada 52–aad Axmed Maxamed Maxamuud Tareedisho uu shalay sheegay in howlgalladii laga sameeyey Gobolka Hiiraan ay ku dileen 120 dagaalyahan oo ka tirsanaa Al-Shabaab.

Hoos Ka Dhageyso Codka Taliyaha Ciidamada Dowladda Soomaaliya ee Bariga Gobolka Hiiraan.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media