Shalay Ciidamada dowladda iyo kuwa Amisom waxa ay sibuuxda ula wareegeen deegaano hoostaga degmada Mahadaay ee gobolka Shabeellaha dhexe halkaas oo ay ku sugnaayeen dagaalyahano ka tirsan Al-Shabaab.
Gudoomiyaha Arimaha Bulshada Maamulka gobolka Shabeellaha dhexe Cabdullaahi Xaaji Yuusuf Caloof (Dhagaweyne) OO Wreysi siiyay Radio Dalsan Xarunta Muqdisho ayaa sheegay in markii hore Al-Shabaab ay halkaasi isaga baxeen balse ay ku hareen rag tiroyar kuwaas oo miinooyin ciidamada u dhigi jiray.
Sidoo kale waxa uu sheegay in Al-Shabaab ay duugeen Ceelbiyoodkii ku yaalay deegaanka Cali fooldheere,iyo in ay Gubeen tuulooyin kale oo ay deganaayeen dad Shacab ah sida uu hadalka u dhigay.
Gabagabadii waxa uu sheegay in dhamaan deegaanada ay iminka Gacanta ku hayaan Ciidamada Xoogga dalka soomaaliya islamarkaana awoodii Al-Shabaab ay wiiqmeen,goobahaasna ay la wareegi doonaan Ciidamada Burundi oo ka mid ah howlgalka amisom.
Hoos Ka Dhageyso Wareysiga oo dhamestiran
