Dhageyso:-Afar Xisbi Siyaasadeed oo Dowladda uga digay in Ciidanka Qaranka u adeegsadaan Siyaasiyiinta Mucaaradka

Maanta ayaa Muqdisho shir Jaraa’id oo ay Warbaahinta ugu qabteen Afar Xisbi Sayaasadeed ayaa waxa ay kaga hadleen xaalada Siyaasadeed ee dalka weerarkii Hoyga Cabdiraxmaan Cabdi Shakuur iyo Arrimo kale.

Xisbiyadaan ayaa kala ahaa Madasha Horu-socod, Daljir, Wadajir iyo Kulan,waxaana qodobadii ugu muhiimsanaa ay ka hadleyn ay ka mid ahaayeen weerarkii iyo Xarigii Siyaasiga Cabdiraxmaan Cabdi Shakuur oo ka mid ah Madaxda Xisbiga Wadajir iyo baaq ay u direen Madaxda ugu sareysa dalka.

Gudoomiyaha Xisbiga Wadajir  Kamaal Guutaale oo Warbaahinta u Akhriyay War-Saxaafadeed ay Xisbiyadu soo saareen ayaa sheegay in madaxda dalka looga digayo in Ciidamada Qaranka ay u adeegsadaan Siyaasiyiinta mucaaradka ah iyo in Xeer ilaalinta Qaranka iyo Hay’addaha Garsoorka dalka  howlo Siyaasadeed oo looga aargoosanayo howlo dadka ra’iyaga qaba taas oo meesha ka saareysa kalsoonidii lagu qabaty Hay’addaha dowladda.

Dhinaca kale Cabdullaahi Maxamed Nuur oo ka mid ah Baarlamaanka Soomaaliya ayaa isna sheegay in Villa Soomaaliya ay aaminto hadii laga aragti duwan yahay in ay dadka disho ama ay xirto, taasina ay tahay wax laga xumaado Shacabka Soomaaliyeed iyo Siyaasiyiintaba aysan aqbali karin.

Hoos Ka Dhageyso Codadka.