Dagaalamayaasha Kooxda Xuutiyiinta ayaa la sheegay inay duqeyn xooggan xalay la beegsadeen fariisimadda Ciiddanka taageersan Dowladda Yemen ku leeyihiin magaalladda Xudeydah ee kaabiga ku haysa Badda Cas.
Duqeymaha ayaa la sheegay inay ku dhaceen goobaha ay Dowladda Yemen ka haystaan Degmadda Hays ee magaalladda Xudeydah.
Hoobiyayaal iyo Sawaariikh kale ayaa la sheegay inay ku hoobteen Deegaankaasi, waxaana la soo weriyey inay in ka badan 10-Askari ku dhaawacmeen duqeyntaasi.
Ciiddanka Dowladda ayaa la sheegay inaysan ka jawaabin duqeynta loo geytay goobaha Milliteriga iyo Xeryaha Tababarka ee ay ku leeyihiin Xudeydah.
Dhinaca kale, Guddiga Xiriirinta kala-qaadista Ciiddamadda ee magaalladda Xudeydah ayaa la sheegay inay u diyaar garoobayaan inay Kulan maanta ku yeeshaan Markab taagan meel ka baxsan Xeebta magaalladda Xudeydah.
Hadal ka soo baxay Dowladda Yemen waxay ku sheegtay inay Xuutiyiinta 970 jeer jebiyeen Heshiiskii Xabbad-joojinta, kuna geeriyoodeen 71-qof, halka ay 534 kalena ku dhaawacmeen muddo 30-maalmood gudahaeeda.
Colaadaha ka socda dalka Yemen oo bilowday sannadkii 2014-kii waxaa lagu dilay Kumanaan qof, iyadoo Malaayiin kalena ku barakaceen, kuna macluusan yihiin gudaha dalkaasi.
Isbahaysiga Maraykanka oo xalay duqeeyey fariisin ay Milliteriga Dowladda Syria ku leeyihiin Bariga dalkaasi.
Telefishinka Dowladad Syria ayaa sheegay inay 2 Askari ku dhaawacmeen duqeyn ay Isbahaysiga Maraykanka xalay u geysteen darriisin ay Ciiddanka Madaafiicda ku leeyihiin Galbeedka DeGmadda Abuu Kamaal ee Gobalka Deyr Al-zuur.
Telefishinka waxa uu sheegay inay duqeyntaasi burbur u geysteen Saldhigga, balse faahfaahin dheeraad ah lagama bixinin inta uu la eg yahay Khasaarahaasi.
Ma aha markii ugu horreysay ee ay Isbahaysiga Maraykanka duqeeyeen fariisimadda Milliteriga Dowladda Syria leeyihiin.
Bishii December ee sannadkii hore, Isbahaysiga Maraykanka waxay dhowr Gantaal ku duqeeyeen Saldhig Milliteri oo ku yaalla Bartamaha dalkaasi, kuwaasi oo khasaaro ba’an geystay.
Bishii June ee isla sannadkii hore, waxay Isbahaysiga Maraykanka beegsadeen fariisin Milliteri oo ku yaalla Gobalka Deyr Al-zuur, waxaana ka dhashay khasaaro ba’an.
Bishii May ee sannadkii hore, Duqeyn ay Maraykanka ka geysteen fariisimo Milliteri oo ku yaalla Deyr Al-zuur waxaa lagu dilay 12 Dagaalamayaal taabacsan Dowladda Syria.
Si kastaba ha ahaatee, Dowladda Syria waxay ka badin weyday inay had iyo jeer cambaareeyaan Weeraradda Isbahaysiga Maraykanka, waxayna ugu baaqeen Golaha Ammaanka ee QM in la soo af-jaro Xadgudubyadda noocaasi ee ay Isbahaysiga Maraykanka ka geystan gudaha dalka Syria.
