Maleeshiyaad hubeysan oo dad ku laayay Burkina Faso

Koox looga shakiyay inay ka tirsan yihiin maleeshiyaad Jihaad-doon ah ayaa saddex qof ku dilay dalka Burkina Faso, sida ay ku warrantay wakaaladda wararka ee AFP.

Weerarka ayaa ka dhacay tuulada Kourao oo ku taalla waqooyiga Burkina Faso Talaadadii, sida saraakiisha ammaanka dalkaas ay u sheegeen AFP.

“Dilka saddexdaas qof ayaa waxaa uu cabsi ku reebay dadka deegaanka” ayuu yiri mid kamid ah saraakiisha ku sugan halkaas.

Qof aan magaciisa la shaacin ayaa ka dhawaajiyay in weerarka ay soo qaadeen koox looga shakinsan yahay inay argagixiso yihiin.

Dalka faqiirka ah ee aan badda laheyn ayaa waxaa uu in muddo ah la daalaa dhacayay dhibaatooyin ay kamid yihiin abaaraha iyo weerarada sannooyinkii ugu dambeeyay dalkaas ka harreeyay.

Comments
Loading...