Madaxweynaha dowlad Goboleedka Hirshabeelle Cali Cabdullaahi Xuseen Guudlaawe ayaa dhamaan Muslimiinta Caalamka gaar ahaan Shacabka Soomaalieed meel walba oo ay joogaan ugu hambalyeeyay Munaasabada Ciidul Adxa.
Madaxweynaha ayaa Alle uga baryay guud shacabka Soomaaliyeed ee u dabbaaldegaya farxada munaasabadda Ciida caafimaadsan, horumar, nabad waarta, baraare iyo barwaaqo.
Madaxweynaha ayaa tilmaamay in munaasabadaan ay kusoo aaday iyadoo dalka ay ka jiraan duruufo la xiriira abaar iyo biyo la’aan sababtay barakaca boqolaal kun qoys oo maanta u baahan in loo gurmado.
Madaxweynaha ayaa dadka Soomaaliyeed gaar ahaan bulshada Hirshabeelle ka codsaday inay is cafiyaan oo ay isu gargaaraan, si gaar ahna looga farxiyo dadka aan wax haysan iyo agoonta.
Madaxweynaha ayaa Alle ugu baryay guud ahaan shacabka Soomaaliyeed gaar ahaan Bulshada Hirshabeelle in Ciidaan tan xigta ay ku gaaraan Nabad iyo Horumar, waxaana uu u rajeeyay inay farxad ku ciidaan.
