Madaxweyne kuxigeenka Galmudug oo  Guddoomiyay shirka Hormarinta Dhaqaalaha

Madaxweyne kuxigeenka Dowlad Goboleedka  Galmudug Cali Daahir Ciid ayaa Guddoomiyey Shirka Tiirka Hormarinta Dhaqaalaha Dowladda Galmudug.

Kulan ayaa diirradda lagu saaray hirgelinta qorsheyaasha iyo siyaasadda horumarinta dhaqaalaha maamul Goboleedka Galmudug.

Shirkan oo ay soo xaadireen Dhammaan wasaaradaha Udub-dhexaadka u ah ajendaha Horumarinya Dhaqaalaha Sida: Wasaaradda Maaliyadda,Ganacsiga, Qorsheynta iyo Horumarinta Dhaqaalaha, Beeraha, Xanaanada Xoolaha, Tamarta iyo Biyaha, Dekadaha iyo Kaluumeysiga, Badroolka, Gadiidka, shaqadda iyo Shaqaalaha, iyo Howlaha Guud.

Madaxweyne Ku Xigeenka ayaa ka wasaaradahan ka dhagaystay warbixin ku saabsan waxyaabihii u qabsoomay.

Hoggaanka Cusub ee Galmudug wuxuu mudnaanta koobaad siinayaa kobcinta dhaqaalaha iyadoo si hufan loo maareeynayo ilaha dhaqaalaha, laguna dhaqmayo hannaan maaliyadeed oo leh isla xisaabtan iyo hufnaan kaasoo la jaanqaadaya hab dhiska caalamiga ah ee maareynta maaliyadda “.

Kulanka manta ka qabsoomay Caasimada Galmudug ee Dhusamareeb ayaa ahaa Tiirka Hormarinta Dhaqaalaha  Galmudug waxana Xigi doona Kulamo kale oo loga hadli doono Tiirarka  Amniga iyo Cadaalada, Adeega Bulshada iyo Tiirka Siyaasada lo dhan yahay,

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media