Madaxweynaha Jamhuuriyadda Federaalka Soomaaliya Maxamed Cabdullaahi Farmaajo oo ku sugan Magalaada Yokohama ee dalka Japan ayaa waxaa halkaas waxaa uu weli ka wadaa kulamo kala duwan oo la qaadanayo Madaxdii ka qeyb gashay Shirkii Iskaashiga dalalka Qaaradda Afrika iyo Japan.
Madaxweyne Farmaajo ayaa lagu wadaa in Maanta kulan Magaalada Yokohama kula qaato Ra’iisul Wasaaraha dalka Japan Shinzō Abe,iyagoona ka wada hadli doona arrimo kala duwan.
Agaasimaha Warfaafinta Madaxtooyada JFS Mudane Cabdinuur Maxamed Axmed ayaa sheegay in kulanka Madaxweyne Farmaajo uu la yeelanayo Mudane Shinzō Abe uu yahay mid looga hadli doono sidii Bog Cusub loogu furi lahaa xiriirka u dhexeeya Somalia iyo Japan.
Magaalada Yokohama Japan ayaa waxaa shalay lagu soo gaba-gabeeyay Shirweyne looga hadlayay Iskaashiga dalalka Qaaradda Afrika iyo Dowladda Japan,waxaana dowladda Soomaaliya uga qeyb galay Madaxweyne Farmaajo iyo wafdi uu hoggaaminayay.