Cabdiwali Maxamed Cali Gaas madaxweynaha maamulka Puntland ayaa ka hadlay markii ugu horeysay isku shaandheyn la hadal hayey maalmahaan inuu ku sameynayo wasiirada maamulkaasi, xilli uu la hadlayey Laanta Af-ka soomaaliga ee VOA-da,waxaana uu ka waramay arima badan oo ku saabsan inta uu joogay Xafiiska.
Mar laweydiiyey waxa ka jira inuu ku sameen doono golaha Wasiirada isbadal ayuu ku jawaabay:-
“Is bedelka dowliga ma ahan mid suuqa laga sameeyo iyo maqaayadaha, dadka iyagaa iska jecel, dowladda is bedelka iyo tallaabada ku haboon ayay waqtigeeda qaadeysaa, warkaas warka suuqa weeye, marka ay soo baxda ayaa arkeynaa”ayuu yiri C/wali Gaas.
Maalmihii aanu soo dhaafnay waxaa jira hadal hayn ku aadan isku shaandheyn lagu sameynayo golaha wasiirada Puntland,waxaana soo baxayey warar la xariira arintaas,taasi oo uu hada ka jawab celiyey madaxweyne Gaas.
