Madaxweynaha dalka Maraykanka Donald Trump, ayaa ku hanjabay inuu Shir waynaha xisbiga Jamhuuriga wax ka badeli doono haddii ay sii socdaan tallaabooyinka lagu xadidayo isu imaadka bulshada.
Munaasaddan ayaa lagu waday inay ka dhacdo Waqooyiga Carolina 24-27-ka bisha Agoosto.
Maaintii Isniinta ahayd, madaxweyne Trump ayaa sheegay inuu xaruntaas shir weynaha ka badeli doono haddii aanan la ballan-qaadin in “tirada dadka halkaas loogu tala galay la buuxin”
Ku dhawaad 100,000 oo qof ayaa dalka Maraykanka ugu dhintay cudurka corona, gobolada qaar ayaa qaaday tallaabooyin adag oo lagula tacaalayo faafidda fayraska.
Mr Trump ayaa Isniintii bartiisa Twitteer-ka ku qoray in barasaabka Waqooyiga Carolina Roy Cooper oo ka tirsan xisbiga Dimuqraadiga uu weli “ gobolkiisa saarantahay xayiraad taasi oo carqaladayn karta munaasaddan lagu waday inay halkaas ka dhacdo”.
