Wasiirkii Arrimaha Dibedda iyo Iskaashiga Caalamiga ee Xukuumadda aan
weli xilka wareejinin, C/salaam Cumar Hadliye waxa uu shalay u
gudbiyey Madaxweynaha Kenya, Uhuru Kenyatta Farriin Qoraal oo uu ugu
soo dhiibay Madaxweyne Farmaajo.
Warbaahinta dalkaasi ayaa sheegtay inuu Mdaxweyne Uhuru sheegay inay
Doorashadda Somalia dib u soo cusbooneysiisay rajadda dadka
Soomaaliyeed iyo Beesha Caalamka sida ay Somalia cagta u saartay
dhabaha Soo-kabashadda Buuxda.
Waxa uu Soomaalida ugu hambalyeeyey Doorashadda ku dhacday si nabadda
ah iyo in la hiigsanayo Jihadda Toosan ee Somalia.
Hadalka Madaxweyne Uhuru ayaa yimid labo isbuuc oo aysan Dowladda
Kenya ka gaabsatay Doorashadda Madaxweyne Farmaajo, mana kala cadda
sababaha aysan Madaxweyne Farmaajo ugu soo hambalyeeynin
Doorashaddiisa.
Dhinaca kale, Faahfaahin lagama bixin Qoraalka Madaxweynaha Kenya la
gaarsiiyey, balse waxaa loo badinayaa inay ku xiriirsanayd Madaxweyne
Uhuru oo lagu casuumay inuu ka soo qeyb galo Munaasabadda
Caleemasaarka Madaxweyne Farmaajo oo dhici doonta bishan February
22-da.
