Madaxweyne Pierre Nkuruziza ayaa sheegay iny Dowladiisa furayso Dacwadha Garsoorka ee ku aadan Mushaaraad aan la siinin in ka bdan 5,000 oo Askari oo Burundian ah, kuwaasi oo qeyb ka ah Hawlgalka AMISOM.
“Danaha Burundi marnaba lama afduuban karo, isla markaana ay sheeganayaan Xaqa ka maqan, oo ay ku jirto Mgdhow” ayuu yiri Madaxweynaha Burundi.
Waxa uu intaasi ku daray inaysan Dowladiisa doonaynin inay Ciiddankooda noqdaan kuwo Keebka la yurura.
Hadalkiisa ayaa baxay iyadoo aysan Ciiddanka Burundi ee qeybta ka ah Hawlgalka AMISOM wax mushaaraad ah helin muddo 11-bilood, oo ka imaan jirtey Taageeradda Midowga Europe (EU)-da siiyaan Hawlgalka AMISOM.
Bishii March ee sannadkan, EU-da waxay hakiyeen Kaalmadii Tooska ee ay u siin jireeen dalka Burundi, oo ay ku jiraan Kharajka Ciiddankooda qeybta ka ah Hawlgalka AMISOM.
Dowladaha EU-da waxay sheegeen inaysan Dowladda Burundi wax badan ka qabanin Xiisadaha Siyaasadeed ee dalkaasi ka taagan ku-dhawaadka 2-sanno.
Dhinaca kale, Midowga Europe, waxay bishii hore ku dhawaaqeen inay Kharajka si toos ah ugu shubi doonaan Xisaab-bangiyeedka Askarta Burundi ee qeybta ka ah AMISOM, balse, Dowladda Burundi ayaa gaashaanka ku dhufatay arrintaasi, kuna tilmaamtay Afgembi lagu burburinayo Ciiddanka Burundi.
©Radio Dalsan
