Madasha Xisbiyada Qaran ee uu hogaaminyo Madaxweynihii hore ee Sheekh Shariif Sh Axmed ayaa War kasoo saaray dagaalkii shalay kasoo Cusboonaaday deegaanada Towfiiq iyo Af-Barwaaqo ee Gobolka Mudug.
Madasha Xisbiyada ayaa sheegay inay aad uga xunyihiin dagaalkii dhiiga badan ku daatay ee dhexmaray laba beelood ee kasoo kala jeeda Puntland iyo Galmudug.
Sidoo kale Madasha Xisbiyada ayaa ku baaqay in si deg deg ah oo shuruud la’aan ah loo joojiyo dagaalka, waxaana waxgaradka, Culimada iyo qeybaha kala duwan ee Bulshada ka dalbadeen inay ka qeyb qaataan joojinta Colaada.
Ugu dambeyntii Madasha Xisbiyada Qaran ayaa tacsi ku dirtay Eheladii iyo qaraabadii dhammaan dadkii uga geeriyooday dagaalkii ka dhacay deegaanada Towfiiq iyo Af-Barwaaqo, halka kuwii dhaawacmay Alle looga baryay inuu Caafimaad deg deg ah siiyo.
Hoos ka Akhriso Warka kasoo baxay Madasha Xisbiyada.
