Weriyayaasha Radio Dalsan ee ku sugan magaalladda Cadaado waxay so osheegeen  inay Maareeyaha Dekedda Muqdisho, C/llaahi Nuur iyo Musharaxiinta C/llaahi Gadafeey iyo Maxamed Cajiib ka degeen Garoonka Diyaaradaha ee magaalladda Cadaado.
Waxaana halkaasi ku soo dhaweeyey qaar ka mid ah Guddiga Doorashadda iyo Ergooyinka ku sugan magaalladda Cadaado.
Musharaxiinta C/llaahi Gadafeey iyo Maxamed Ibraahim Cali “Maxamed Cajiib” ayaa ka mid ah xubnaha Beesha Wacaysle ee u tartamayo Aqalka Hoose ee Barlamaanka soo socda.
Tegitaankooda ayaa waxa uu ku soo beegmay, iyadoo ay xiisadi ka jirto Qoondada Haweenka ee Beesha Wacaysle, isla markaana uu Madaxweyne Xasan Sheekh ka meermeerayo Qoondada Haweenka ee loo qoondeeyey Jufada Cali Gaaf ee Beesha Wacaysle.
Suldaan Maxamed Cabdi Shiddo oo ka mid ah 135-ta Oday, ahna Guddoonka Guddiga sare ee dhaqnaka Beesha Waceysle ayaa ka hor-yimid qorshe laga wado Madaxtooyada Soomaaliya iyo tan Galmudug, kaasoo ku aadan in qoondada haweenka ee kuraasta aqalka Hoose loo weeciyo beel aan aheyn beel markii hore lagu heshiiyay.
Warqad uu soo saaray Suldaanka ayuu kaga hadlay saddex kursi ee Waceysle ka heshay aqalka Hoose ay tahay in mid ka mid ah Haween la siiyo, gaar ahaan Jufada Cali Gaaf.
©Radio DalsanÂ
