Maamulka Puntland oo Hal malyan oo Dollar ugu Deeqay Gurmadka Abaaraha

Madaxweynaha dowlad Goboleedka Puntland Siciid Cabdullaahi Deni, ayaa kadib daah-furka Shirweynaha gurmadka Abaaraha, wuxuu  Shir-doceed la yeeshay Ururada Bulshada Rayidka ah ee Puntland.

Madaxweynaha ayaa Ururada Bulshada kala  hadlay kaalintooda ku aadan ka qeyb qaadashada gurmadka loo fidinayo dadka Abaaruhu saameeyeen, isagoo la wadaagay sida ay  Maamulka uga go’antahay qorshaha gurmadka Abaaraha oo ay kawada qeyb qaadanayaan Maamulka, Culimada iyo qeybaha kala duwan ee Bulshada.

Ururada Bulshada ayaa Madaxweynaha uga mahadceliyay dadaalka Maamulka gelinayo gurmadka Abaarta, waxayna si gaar ah uga mahadceliyeen lacagta $1Million ah ee Madaxweynuhu go’aamiyey in gurmadka lagu billaabo, taasi oo dhiirigelinaysa in Bulshaduna kawada qeyb qaadato gurmadka.

Madaxweynaha Puntland Siciid Cabdullaahi Deni oo furay Shirweynaha Gurmadka Abaaraha Puntland, ayaa ku dhawaaqay in Maamulka 1$ Million ku shubayo Sanduuqa Gurmadka Abaaraha Puntland, si loo caawiyo dadka ay Abaartu saameysay.

Kulanka waxaa Madaxweynaha ku weheliyay Madaxweyne Ku-xigeenka Puntland Axmed Cilmi Cismaan Karaash iyo Ergayga gaarka ah ee Madaxweynaha Soomaaliya u qaabilsan Arrimaha gurmadka Abaaraha, Xildhibaan Cabdiraxmaan Cabdishakuur Warsame iyo Guddiga Abaaraha ee Puntland.

About Webmaster

View all posts by Webmaster