Maamule Shirkad oo lagu dilay xaafad ka tirsan Magaalada Kismaayo

Kooxo ku hubeysnaa Bastoolado ayaa goordhow xaafad ka tirsan Magaalada Kismaayo ee Xarunta Gobolka Jubbada Hoose ku dilay Nin la sheegay inuu maamule Shirkad ahaa, sida ay sheegayaan Wararka aan heleyno.

Dilka ayaa waxaa uu sigaar ah uga dhacay xaafadda calanleey ee Kismaayo, waxaana Ninkaas rasaas dhowr ah qeybaha sare ee jirka looga dhuftay, isla markaana uu goobta ku geeriyooday.

Marxuumka la toogtay ayaa waxaa lagu magacaabi jiray Cabdullaahi Shig-shigow oo la tilmaamay inuu ahaa Maamulada Shirkadda Xawaalada AMAL ee Xarunteeda Magaalada Kismaayo.

Raggii hubeysnaa ee dilka geystay ayaa goobta uga baxsaday Luuq yar oo xiligaas goobta Agdhawaa, waxaana daqiiqado kadib xaafadda calanleey tegay Ciidamo ka tirsan kuwa Amniga Maamulka Jubbaland, iyagoo qaaday Meydka Marxuumka.

Sidoo kale wararka ayaa intaas waxaa ay kusii daraya in Ciidanka Amniga Jubbaland ay wadaan howlgal baaritaano ah oo lagu doonayo in lagu soo qabtay ragii ka dambeeyay falkii dhacay.

Magaalada Kismaayo ee Xaayaa waxaa mararka qaarkood ka dhaca dilal qorsheysan oo geystaan dhalinyaro hubeysan, waxaana halkaas horey uga dhacay dilal iyo qaraxyo Ismiidaamin ah oo Khasaaro geystay.

Comments
Loading...