Madaxweynaha dalka Azerbajaan, Ilham Caliyef waxa uu maanta Xaaskiisa Mehriban Aliyeva u magacaabay Madaxweyne-ku-xigeenkiisa, waana tallaabo uu ku xoojinayo Awoodda Qoyskiisa ku leeyihiin Talada dalkaasi hodanka ku ah Shidaalka.
Magacaabistan oo maanta lagu dhawaaqay ayaa timid, kadib, markii Isbedel lagu sameeyey Dastuurka dalkaasi sannadkii hore, iyadoo Madaxweyne-ku-xigeenka noqonayso qofka Labaad ee ugu sareeya Talada dalkaasi.
Mehriban Aliyeva oo 52-jir ah waxay tan iyo sannadkii 2005-tii ahayd Xildhibaan ka tirsan Xisbiga maamula dalkaasi ee Yeni Azerbejan Party.
Sannadkii 2004-tii, waxaa loo magacaabay Danjiraha Rajada Wanaagsan ee Hay’adda QM ugu qaabilsan Dhaqanka, W/barashadda iyo Sayniska ee UNESCO.
©Radio Dalsan
