Warar dheeraad ah ayaa laga helayaa dagaallo sokeeye oo khasaaro badan dhaliyay, kuwaas oo ka dhacay gudaha dalka Kenya, gaar ahaan deegaanada xadka la leh magaalada Garisa, gobolka Waqooyi Bari.
Dagaalladan oo sababay dhimashada dad badan ayaa waxa lagu soo waramayaa in ugu yaraan 18 qof ay ku naf waayeen, kaddib markii laba beelood oo isku haysta dhul daaqsin ah ay isku dhaceen degmada Tana River.
Ururrada bulshada rayidka ah ee gobolka Waqooyi Bari ayaa si degdeg ah ugu baaqay nabad iyo wada-hadal, iyaga oo ku boorriyay beelaha dagaallamay in ay ka waantoobaan colaadda, kana shaqeeyaan sidii xal waara loo heli lahaa. Sidoo kale, dowladda Kenya ayaa bilowday tallaabooyin lagu dejinayo xaaladda, iyadoo isku dayaysa in ay soo afjarto isku dhacyadan sii kordhaya.
