Muuqaal Video oo ay Dagaalamayaasha Kooxda Abu Sayaaf ayaa muujinaya iyadoo La-haystahaasi mindi qoorta looga goynayo.
La-haystaha waxaa magaciisa lagu sheegay Jurgen Kantner oo 70-jir ahaa, waxayna Kooxda qafaasheen bishii November 7-dii ee sannadkii hore.
Xaaskiisa oo la oran jirey Sabine Merz ayaa iyadana toogasho lagu dilay.
Lamaanahaasi waxaa sannadkii 2008-dii lagu qafaashay Xeebaha Somalia, waxaana la sii daayey 52 maalmood kadib, markii la bixiyey lacag madax furasho oo ay Burcad-baddeeda codsadeen.
Dhinaca kale, Kooxda Abu Sayaaf ayaa sheegtay inay ninkaasi qoorta ka jareen, kadib, markii la bixin waayey lacag madax-furasho ah oo dhamayd 600-kun oo Dollar.
Abu Sayaaf waxay haatan afduub u haystaan ugu yaraan 19 qof oo Shisheeye ah oo 7 ka mid u dhasheen dalka Filibiin.
©Radio Dalsan
