Suxufiyiin ka kala socotay AFP, CNN. CBS, Russia Today iyo Warbaahinta Dowladda Shiinaha ayaa ka mid ah Suxufiyiinta Caalamka ee la filayo inay ka soo hadlaan Tallaabadda ay Dowladda dalka Waqooyi ku xirayaan goobaha lagu tijaabiyo Hubka Nukliyeerka.
Suxufiyiin kale oo ka kala socda Warbaahino Calaami o oay REUTERS ka mid tahay ayaa qorsheynayey inay tagaan dalkaasi, balse waxaa loo diiday Waraaqihii Casuumaadda ee ay ku tegi lahaayeen dalkaasi.
Sidoo kale, 8 Saxafi oo ka imaan lahayd Koonfurta Kuurya ayaa loo diiday inay ka so oqeyb galaan Munaasbaadaasi, kadib, khilaaf labada Dowladood soo kala dhex galay.
Dowladda Waqooyiga Kuurya oo gacan bir ah kula dhaqanta Warbaahinta Caalamiga ayaa la filayaa inay bishan May 23-da ilaa 25-da albaabadda u laabaan Xarunta lagu tijabaiyo Nukliyeerka ee Punggye-ri.
Dhinaca kale, Khubarada Farsamo ee Calaamka oo ay ku jiraan kuwa u dhashay Maraykanka aya horey ugu baaqay in si buuxda loola socdo marka ay Dowladda Waqooyiga xirayso
Si kastaba ha ahaatee, Dowladda Waqooyiga Kuurya ayaa ku hanjabtay inay qaadici doonaan Kulanka uu Hoggaamiyaha Waqooyiga Kuurya, Kim Jong Un la filayo inuu  Madaxweynayaasha Maraykanka iyo Koonfurta Kuurya bisha soo socota ee June 12-da ku yeelan doonaan dalka Singapore.
