Khuburada Amaanka dalka Kenya ayaa wakaalada Wararka Dalka Shiinaha ee Xinhua waxaa ay u sheegeen in beesha caalamka looga baahan yahay in ay soo saaraan qorshe cusub oo lagula dagaalamayo Dagaalamayaasha Al-shabaab.
Waxaa ay sheegeen Khubarada Amaanka Kenya in Ciidamadda Dowladda Iyo Kuwa Amisom oo dagaal xoogan kula jiray Al-shabaab Afartii sano ee ugu dambeesay in ay la wareegeen ciidamadda huwanta ah deegaano istaraatiiji u ah Dagaalayaasha Al-shabaab.
Waxaa ay intaasi ku dareen in Wali ay jirto Awoodii Al-shabaab oo ay weerarayaan Xarumo muhiim u Ah Dowladda iyo Dowladaha Kale ee Dariska La ah Somalia.
Intii lagu guda jiray bishii barakeesneed ee Ramadaanka Dagaalamaasha Al-shabaab ayaa weeraray Gawaarida gaashaaman ee ciidamadda Midowga Africa Ee Amisom iyo Dad Rayid ahaa kuwaas oo ku sugnaa Dalka Somalia, Waa Sida Ay Hadalka u dhigeen khuburada Amaanka Dalka Kenya.
Dhinaca kale waxaa ay tilmaameen in Ciidamadda AMISOM Iyo Kuwa Dowladda Oo Garab Ka helaya Diyaarada drons-ka Mareekanka in ay weeraro ka geesteen koonfurta Somalia halkaas oo ay ku sugnaayeen Xarakadda Al-shabaab,Waxaana ay xuseen in weeraradaasi lagu dilay 72-Dagaalyahano oo katirsanaa Al-shabaab Waa Sida ay Hadalka U Dhigeen.
Fred Nyabera oo ah khabiir dhinaca Nabadda Iyo Amaanka ayaa tilmaamay in beesha caalamka looga baahan yahay in ay keenaan istaraatiijiyad cusub oo lagula dagaalamo Xarakadda.
“ Al-shabaab ma’ahan oo kaliya in looga awood badin karo qaabka hadda lagu wajahayo waa in lagala Dagaalamaa Dhinacyada Caqiidada,Dhaqaalaha iyo dhaqank, islamarkaana shacabka iyo Hey’adaha Amaanka ay u midoobaan sidii looga Adkaan lahaa” Sidaasi Waxaa Yiri Fred Nyaberi.
Hadalka Khuburada Dhinaca Amaanka Dalka Kenya ayaa waxaa uu kusoo beegmayaa iyadoo Al-shabaab ay sheegteen Masuuliyadda Weerarkii Ismiidaaminta Ahaa Ee Galabkii Axadda Lagu Qaaday Hotelka Jazeera Ee Magaalada Muqdisho,Waxaana Weerarkaasi Ku Dhintay in ka badan 15-ruux oo uu ku Jiray diplomaasi u dhashay Dalka Shiinaha.