Soomaalida ku nool dalka Norway ayaa buux dhaafiyey Maxkamad la soo taagay Wiil Somali oo lagu magacaabo Mahad Abiib Maxamed , halkaasi oo shaki la gelinayo Dhalashadiisa Soomaalinimadda.
Qaar ka mid ah Jaalliyadda ayaa codkooda taageeradda u muujiyey Mahad Abiib oo ay weli dacwadiisa socoto, waxayna Jaalliyaddu diidan yihiin in Mahad Abiib la masaafuriyo.
Bishii hore, Telefishinka TV2 ayaa sheegay in Mahad Abib oo 30-jir ah uu Norway ku noolaa 17-sanno, isagoo haatan ka shaqeeya Isbitaalka Ullevål Hospital oo ku yaalla caasimadda dalkaasi ee Oslo.
Hay’adda Socdaalka Norway ee Utlendingsdirektoratet – UDI (The Norwegian Directorate of Immigration) ayaa ku doodayo inuu Mahad Abiib Maxamed ka soo jeedin Somalia, waa sida ay ku andacoonayaan, balse Mahad isagoo 14-jir ah ayey isaga iyo waalidkiisa waxay ka soo carareen Dagaalladii sokeeye ee ka socday Somalia.
Aabihiisa waxa uu kaa tirsanaa Ciiddanka Boliska Somalia, sida uu Dowladda Norway u xaqiijiyey Jeneral C/llaahi Gaafow Maxamed, mar uu booqasho ku tegay magaalladda Oslo bishii Marso ee sannadkii hore.
Halkan ka dhegeyso Codadka qaar ka mid ah Soomaalida ku nool dalka Norway:
©Radio Dalsan
