Hay’addaha Ammaanka ee  dalkaasi waxay saakayto sheegeen inay heleen maydadka 15 qof, kadib, markii ay xalay dagaal la galeen xubno la tuhunsan yahay inay ka tirsan yihiin Kooxda Daacish.
Ugu yaraan 4 Dagaalame Daacish ayaa la sheegay inay is-qarxiyeen, kadib, markii ay Ciiddanka hareereeyeen dhismo ay ku jireen, waxaana halkaasi ku geeriyootay ugu yaraan 15 qof oo ay ku jireen 6 carruur ah.
Maydadkaasi waxaa laga helay dhismo ku yaalla Degmadda Kalmunaay ee Bariga dalkaasi.
Afhayeenka Boliska dalkaasi, RuwaanGunasekara ayaa sheegay in 3 nin oo kale oo la rumeysan yahay inay ahaayeen Is-qarxiyayaal waxaa laga helay bannaanka dhismaha uu qaraxu ka dhacay.
Axadii la soo dhafaay, Qaraxyo ka dhacay Kaniisado iyo Hoteelo ku yaalla guud ahaan dalkaasi ayaa la sheegay inay ku geeriyoodeen in ka badan 250-qof, halka in ka badan 500 ku dhaawacmeen.
