Guddiga Madaxa Banaan ee Xuduudaha iyo Doorashooyinka dowlad Goboleedka Jubbaland ayaa waqti kordhin ku daray Jadwalka Is-diiwaan Gelinta Musharaxiinta u tartameysa xilka Madaxweynaha Jubbaland.
Guddiga Doorashada ayaa sheegay in Codsi badan uu uga yimid Musharixiin dooneysa inay isku diiwaan geliyaan u tartanka xilka Madaxweynaha dowlad Goboleedka Jubbaland,isla markaana waqtigii loogu talagalay Isdiiwaan gelinta Musharaxiinta Maanta ay ku ekayd,hsyeeshee ay ku dareen muddo Afar Maalmood ah.
Is-Diiwaan gelinta Musharaxiinta Madaxweynaha ayaa waxaa ay bilaabaneysaa 23-ka Bishaan Luuliyo,waxaana ay ku egtahay maalinta Jimcaha soo socota oo ay taariikhdu ku beegan tahay 26-ka Bishaan Luuliyo 2019.
Hoos ka Akhriso Jadwalka ay soo saareen Guddiga Madaxa Banaan ee Doorashooyinka Jubbaland.
