Waaberigii hore ee saakayto ayey Basas ay la socdeen dadkaasi waxay ka soo huleeleen Bariga magaalladda Aleppo, sida ay sheegeen Kooxda La-socodka Xuquuqda Aadanaha ee Syria.
Dr. Axmed Debis oo madax ka ah Koox Dhakhaatiir ah oo fududeynayeysay Daad-gureyntaasi ayaa u sheegay Wakaalladda Wararka AFP in ku-dhawaad 1,200 qof oo ay ku jiraan carruur iyo haween soo gaareen Galbeedka Aleppo.
Waana Kolonyadii Labaad ee ka soo ambabaxa Bariga Aleppo 24-kii saacadood ee la soo dhaafay
Dhinaca kale, Kooxda La-socodka Xuquuqda Aadanaha ee Syria waxay sheegeen in dad lagu qiyaasy 500 oo qof laga soo daad-gureeyey 2 Tuullo ee go’doonsan oo ku taalla magaalladda Idlib.
wararku waxay sheegayaan in Gaadiidka Ambalaaska iyo Basaska inay saqdii-dhexe ee xalay gudaha u galeen Deegaanadda Fou’a iyo Kefraya, kadib, markii muddo dhowr saacadood loo diiday inay u gudbaan Deegaanadaasi.
Hawlgalka daad-gureynta ayaa la filayaa in lagu soo ambabixiyo dad lagu qiyaasay afar kun oo qof o oay ku jiraan Qoysas, Carruur Agoon ah iyo Bukaano dhaawac ah.
©Radio Dalsan
