Ciidanka Xoogga Dalka Soomaaliyeed, Ururka 49-aad, Guutada 10-aad qeybta 43-aad ayaa howlgallo baaxad leh ka sameeyay degaanno ka tirsan Magaalada Baardheere ee Gobolka Gedo.
Howlgalladan ayaa intii uu socday waxaa Ciidamada kula wareegeen degaanno badan oo ay ku sugnaayeen dagaalamayaasha Al-shabaab.
Taliyaha Ururka 49-aad, guutada 10-aad qeybtiisa 43-aad, Dhamme, Cali Maxamed Xasan, ayaa sheegay in ay Al-shabaab ka saareen degaannada ku xeeran Baardheere ee dhaca Webiga labadiisa geddi.
Wuxuu sheegay Taliyuhu in howlgalladan ay soo socdeen illaa Tobadkii dambe ee Bisha ramadaan, iyagoo Al-shabaab ka saaray masaafo gaareysa 35 km oo isku weer ah, halkaas oo ay shabaabku ku sugaanyeen.
Tuulooyinka Bakal, mataanaha iyo Buurweyn, oo ah goobihii ugu dambeeyay ee Al-shabaab lagala wareegay ayuu sheegay taliyuhu in ay Shacabka halkaasi ku dhaqan aad usoo dhaweeyeen.
