Hawlgal Qorshaysan ayay Ciidanka Xoogga Dalka Soomaaliyeed iyo saaxiibadooda caalamiga ah saaka ka fuliyeen xarun Al-Shabaab ku leeyihiin deegaanka Mukayle oo ka tirsan Degmada Buulo burde ee Gobalka Hiiraan.
Saraakiisha Ciidanka ayaa sheegay in Hawlgalka lagu beegsaday Garaash wayn oo Al-Shabaab u ahaa sida la sheegay goob ay ku diyaariyaan Qaraxyada.
Ciidanka Qaranka ayaa sheegay in halkaas ku burburiyey afar Gaari oo Al-Shabaab ku rakibeen Qaraxyo.
Dowladdu waxaa ay sheegtay in Goobtaas khasaare ay ku gaarsiiyeen xubno ka tirsan Al-Shabaab oo sida ay timaantay u badan kuwa sida gaarka ah ugu tababaran sameynta Qaraxyada.
