Sally Evans oo dhashay Jihadiste Thomas Evans oo loo yaqaano Cabdul Xakiim ayaa hadalkaasi ku sheegtay Wareysi ay siisay Wargeyska The Times ee ka soo baxa magaallaadda London, waxayna sheegtay inaysan doonayn in maydka wiilkeeda loo keeno.
Sally Evans oo 57 jir ah waxay sheegtay inay ka naxay markii ay sawirka wiilkeeda ka aragtay Twitterka.
“Ka hooyo ahaan, waan rumeysan waayey inuu ahaa wiilkayga, aad baan u jeclaa wiilkayga yar” ayuu tiri Sally Evans, waxayna ku dartay inay Ilaah mahaadiisa tahay haddii uusan noqonin Is-qarxiye dad badan galaafta.
Jihadiste Thomas Evans oo Cabdul Xakiim la baxay markii uu soo islaamay markii uu da’da 19 jirka ah, kadibna waxa uu ku biiray Dagaalamayaasha Alshabaab sannadkii 2012-kii.
Waxa uu bishii December ee sannadkii hore u sheegay hooyadiisa inaysan tacsi u dhigin haddii uu geeriyoodo, isla markaana uu jecel yahay inuu Jannadda galo.
Jihadistahaasi waxa uu ka mid ahaa Dagaalamayasha Alshabaab ee dagaalka xooggan Ciiddanka Kenya kula galay duleedka Degmadda Laamu ee dalka Kenya.
Ugu yaraan 50 Jihaadistayaal British ah ayaa la rumeysan yahay inay ku biireen Alshabaab.
Xigasho: The Times
© Warqabadka Dalsan Radio
