Hoggaamiyihii Muslimiinta Shiicada ee dalka Nigeria oo la sii daayey

Maxkamadda Sare ee magaalladda Kaduuna ee Waqooyiga dalkaasi waxay amartay in Xabsiga laga sii dayo Hoggamiyahaasi, Sheekh Ibraahim Zazaki iyo Xaskiisa, Zeenah Ibraahim oo xirnaa in ka badan 5-sano.

Maxkamaddu waxay ku weyday Eedeymihii loo haystay Hoggaamiyahaasi iyo Xaaskiisa oo ay ka mid ahaayeen dil, Shirar aan sharci lahayn iyo carqaladaynta Nabadda Bulshadda.

Sheekh Ibraahim Zazaki waxa uu hoggaamiye ka yahay Dhaqdhaqaaqa Islaamiga ee Nigeria, wuxuuna Xabsiga ku jiray tan iyo sandkii 2015-kii, iyadoo aan wax Dacwad ah lagu soo oogin.

Xarigiisa ayaa yimid, kadib, markii ay Taageerayaashiisa iyo Ciiddanka Dowladda ku dagaalameen magaallada Zariya oo ku taalla Waqooyiga Nigeria.

Rabshadahaasi waxaa lagu dilay ugu yaraan 375 ka mid ah Taageerayaasha Hoggaamiyahaasi, sida ay Saraakiisha Hayâ€™adaha Amaanka dalkaasi sheegeen, balse, Dhaqdhaqaaqa Islaamiga Nigeria waxay tirada dhimashada gaarsiiyeen in ka badan kun qof oo ka mid ah Taageerayaashooda.

Dadka lagu dilay Rabshadahaasi waxaa ka mid ah 3 carruur oo uu dhalay Sheekh Ibraahim Zazaki.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.