Haweeney lagu Eedeyay inay sameeysay Doolsho anshax xumo oo la xiray

Haweeney u dhalatay dalka Masar ayaa la xiray kaddib markii lagu eedeeyay inay sameysay ‘Doolsho’ anshax xumo ah, sida ay ku warrantay warbaahinta gudaha.

Doolshaha ayaa la sheegay in loo ekeysiiyay xubinta taranka, waxaana doolshaha lagu martiqaaday dad ka qeybgalayay xaflad ka dhacday magaalada Al Qaahira.

Kaddib markii sawirka doolshaha uu qabsaday baraha bulshada, waxaan durbadiiba la xiray haweeneydii soo diyaarisay, markii dambena waxaa lagu sii daayay damaanad lacageed oo gaareyso $319 oo doolar.

Warar soo baxaya ayaa sidoo kale sheegayaa in dadkii ka qeybgalay xafladdaas ay wajahi karaan tallaabo dhanka sharciga ah.

Xarunta Daarul Iftaa ayaa ku tilmaantay in diinta Islaamka aysan ogoleyn in la sameeyo doolsho noocaasi oo kale ah.

“Tallaabadaas waa arrin weerar ku ah qiyamka iyo dhaqanka bulshada”

Wasaaradda dhalinyarada Masar ayaa lagu soo warramayaa inay raadineyso naadigii soo qabanqaabiyay xafladda qarsoodiga aheyd ee lagu soo bandhigay doolshahan.

Comments
Loading...