Halkee Soomaaliya kaga jirtaa Qiimaynta Baasabooradda dalalka Caalamka ee la sameeyay?

Hay’adda The Henley Passport Index ee qiimeysa Muwaadinimadda  iyo Baasabooradda Caalamka ayaa soo bandhigtay Qiimayntooda sannadkan cusub ee 2019-ka.

Hay’adda  waxay qiimeynteeda ku salaysay dal kasta Dukumentiyadiisa Safarka iyo Xogta Hay’adda Duullimaadyadda Caalamka ee IATA iyo xaqiiqda dhabta ee sannadkiiba.

Qiimaynta waxaa lagu eegay 199 Baasabooradda dalalka Calaamka iyo 227  Deegaanadda ay Duullimaadyadda gaaraan.

Qiimeynta Hay’adda The Henley Passport Index waxaa salka looga dhigay tiradda dalalka lagu tegi karo Baasabooradda Caalamka,  iyadoo aan wax Fiiso ah la codsanin.

Shanta Waddan ee lagu xusay Qiimeyntaasi inuusan Basaaboorkooda xoog weyn lahayn waxay kala yihiin:

1-      Baasaboorka dalka Eritrea oo Fiiso la’aan lagu tegi karo 38-Waddan

2-      Baasaboorka dalka Yemen oo Fiiso la’aan lagu tegi karo 37-Waddan.

3-      Baasaboorka dalka Pakistan oo Fiiso La’aan lagu tegi karo 33-dal.

4-      Baasaboorka Somalia iyo kan dalka Syria oo Fiiso La’aan lagu tegi karo  min 32-dal.

5-     Baasaboorka dalalka Afganaistan iyo  Ciraaq oo Fiiso la’aan lagu tegi karo min 30-dal.

Qiimeynta Hay’adda Henley Passport waxaa kale lagu soo bandhigay dalalka Qaaradda Afrika ee ay Baasabooradda ugu xooggan yihiin, kuwaasi oo kala ah:

1-      South Africa,

2-      Murushiyos,

3-      Botoswana

4-     Namiibiya

5-     Lesoota,

6-      Dalka Eswatini oo horey loo oran jirey Iswaziland,

7-     Kenya,

8-     Gambiya,

9-     Tanzania

10- Zambia.

Dhinaca kale,  Baasaboorka dalka Japan ayaa noqday kan ugu xoogga badan dhamaan Baasabooradda Calaamka, waxayna Muwaadiniinta dalka Japan  fiiso la’aan ku tegi karaan 190 Waddan.

Sponsered

Comments
Loading...