Dabley hubeysan ayaa waxa ay weerar ku qaadeen Guddoomiye Waaxeed ka tirsan Degmada Hiliwaa ee Gobolkan Banaadir,kaasi oo geystay Khasaaro.
Goobjoogayaal ayaa sheegay in weerarka uu ka dhacay Xaafadda Carte ee Degmadaasi,isla markaana lagu dhaawacay Gudoomiyaha Waaxda Barwaqo iyo Askari la sheegay in uu Ilaalo u ahaa.
Haashim Maxamed Salaad oo ah Gudoomiyaha Waaxda Barwaqo ee Degmada Hilwaa iyo Askariga la socday ayaa la weerary xili ay marayeen Xaafadda Carte ee degmadaasi,iyadoo ragii ka dambeeyay falkaasi ay goobta ka baxsadeen.
Ciidamo ka tirsan kuwa maamulka Degmada Hiliwaa ayaa la tilmaamay in ay goobta gaareen,iyagoo halkaasi ka wada baaritaano kala duwan.
Warar hoose oo aan heleyno ayaa sheegaya in dhaawaca soo gaaray Guddoomiye Waaxeedka iyo Askariga uu yahay mid fudud.
