Guddoomiyaha Maxkamadda sare ee Soomaaliya Baashe Axmed Yuusuf ayaa VOA u sheegay in maalmaha soo socda ay billaabi doonaan dhageysiga dacwadda uu usoo gudbiyey xisbiga Himilo Qaran ee uu hogaamiyo Sheekh Shariif Sheekh Axmed.
Dacwadaas ayaa la xiriirtay xayiraddii safar ee dhamaadkii bishii September lagu sameeyay madaxweynihii hore ee Shariif Sheekh Axmed xili uu kusoo jeeday Magaalada Kismaayo ee Caasimadda KMG ah ee Jubbaland.
Guddoomiye Baashe ayaa ku dooday in Maxkamadda sare ay tahay mid madax bannaan oo dacwad qaadi karta, isla markaana aanay jirin cid u yeerin karta go’aammada ay maxkamaddu gaari doonto.
“Sharciga Garsoorka dalka waxaa uu qabaa haddii dacwad la soo gudbiyo inay u gudbiyaan cida laga dacwoonayay markii ay ka soo jawaabaana dacwada la guda galo” ayuu yiri Guddoomiyaja Maxkamadda sare ee Soomaaliya Baashe Yuusuf.
