Sawirro:-Faransiiska oo Hub ay ka qabteen Xeebaha Somalia ku wareejiyey dal cunaqabateyn hub uu saaran yahay

Dowladda Faransiiska waxay shalay sheegtay inay Ciiddanka Jamhuuriyadda Afrikada Dhexe ku wareejiyeen  in ka badan 1,400 oo qoryaha AK 47 iyo 3 Gaadiidka Berri-biyoodka ah.

Haweeneyda Wasiirka Difaaca ka ah dalka Faransiiska. Florence Parly waxay shalay hubkaasi ku wareejisay Munaasabad ka dhacday Saldhigga Milliteri  ee M’Polo military base oo ku yaalla Caasimadda dalka Afrikada Dhexe ee Bangui.

Wakaaklladda Wararka Faransiiska ee AFP ayaa qortay inay Saraakiisha Faransiiska hubkaasi ku taageereen dowladda Afrikadda Dhexe si ay kula dagaalamaaan Kooxaha Islaamiyiinta ee ka dagaalama dalkaasi Afrikadda Dhexe.

Saraakiisha Faransiiska waxay sheegeen in ay Qoryahaasi tiradoodu dhan tahay 1,400 AK 47  ay sannadkii 2016-kii ku qabteen Dooni hub u soo watay Somalia.

Ciiddanka Faransiiska waxay kaloo sheegeen inay doonidaasi  ka qabteen meel ka baxsan Xeebaha Somalia.

Si kastaba ha ahaatee, ma cadda sababaha rasmiga ee ay Milliteriga Faransiiska hubkaasi ugu wareejiyeen Jamhuuriyadda Afrika Dhexe, xilli uu dalkaasi saaran yahay cunqabatayntii hubka ee ay  Golaha Ammaanka ee QM sannadkii 2013-kii.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media