Faah faahin:-Kolonyo ay la socdeen Ciidamada Itoobiya oo Qarax lala eegtay

Kolonyo ay la socdeen Ciidamo ka tirsan kuwa Itoobiya ayaa waxaa qarax lagula eegtay deegaan ka tirsan Gobolka Hiiraan,waxaana ka soo baxaya warar kala duwan.

Wararka la helayo ayaa sheegay in Kolonyada qarax Miino lagula eegtay deegaanka Halgan ee Gobolka Hiiraan xili ay ku socdaalayeen halkaas,isla markaana waxaa ka dhashay Khasaaro isugu jira dhimasho iyo dhaawac.

Qaraxaas ayaa sigaar ah u haleelay mid kamid ah gaadiidkii ay wateen Ciidamada Itoobiya,kuwaasi oo isaga kala gooshayay laba saldhig oo ay ku leeyihiin  Gobolka Hiiraan.

War qoraal ah oo lagu faafiyay baraha Al-shabaab  ayaa waxaa ay ku sheegteen Mas’uuliyada qaraxaas,iyagoo sheegay dhimasho iyo dhaawac ay ka soo saartay 20 askari oo ka tirsan Ciidamada Itoobiya.

Inta badan Al-shabaab ayaa qaraxyo kala duwan la eegta Ciidamada dowladda iyo kuwa AMISOM xiliyada ay socdaalka ku marayaan deegaano ka tirsan Gobolada dalka,waxaana ka dhasha Khasaaro kala duwan.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media