Faah faahino dheeraad ah ayaa kasoo baxaya qaraxa ka dhacay Magalada Baladweyne ee Carunta Gobolka Hiiraan kaas oo inta badan jugtiisa laga maqlay Xaafadaha Magalada Baladweyne.
Qaraxa ayaa ahaa miinada noocad hulka lagu aaso,waxana la sheegay in uu ka Guri Magalada Baladweyne ay ka degan yihiin Janeraal Mukhtaar Xuseen Afrax oo mar soo noqday atliye ku xigeenka Ciidanka Booliska Soomaaliyeed iyo guddoomiyihii hore ee G/Hiiraan Cumar Ibraahim Baadiyow.
Qaraxa ayaa la sheegay in xilliga uu dhacayay ay labada masuul guriga oo ku yaalla agagaarka Xarunta Maamulka ee  lama Galaay ay ka maqnaayeen waxana ku dhintay Haweeney Guriga joogtay,waxaa sidoo kale ku dhaawacmay dad Shacaba ah.
Wararka qaarkood aan heleyo ayaa waxa ay sheegayaan in qaraxa miino lagu aasay afaafka hore ee laga galo Guriga,sidaasina uu ku qarxay.
Ciidamo ka tirsan kuwa Booliska Baladwyene ayaa gaaray goobta uu qaraxa ka dhacay,hayeeshee waxa hataan socda baaritaano ay wadaan Ciidamada Booliska Baladweyne.
