Warar dheeraad ah ayaa kasoo baxaya qarax Caawa fiidkii ka dhacay Magaalada Boosaaso ee Xarunta Gobolka Bari,kaas oo geystay khasaaro.
Qaraxa oo ahaa nooca miinada dhulka lagu aaso ayaa waxaa lala eegtay Ciidamo ka tirsan kuwa amniga Boosaaso,isla markaana waxaa lagula eegtay Bartamaha Magaalada.
Ugu yaraan 4 Askari ayaa dhaawacmay qaraxaas,waxaaana dadka deegaanka ay sheegeen in qaraxa jugtiisa si weyn looga maqlay Xaafadaha Magaalada oo dhan.
Sido kale waxaa la sheegay in qaraxa markii uu ka dhacay kadib la maqlay rasaas culus oo ay rideen Ciidanka,iyadoo xiray aaga uu qaraxa ka dhacay.
Wararkii ugu dambeeyay ee Caawa aan ka heleyno Magaalada Boosaaso ee Xarunta Gobolka bari ayaa waxa ay sheegayaan in Ciidanka amniga Puntland ay halkaasi ka wadaan howlgalo lagu xaqiijinayo amniga.
