Faah faahin kasoo baxaysa qarax khasaaro geystay oo ka dhacay Muqdisho

Warar dheeraad ah ayaa kasoo baaya khasaaraha ka dhashay qarax gaari oo ka dhacay degmada Xamarweyne ee gobolka Banaadir.

Qaraxaan ayaa jugtiisa laga maqlay qeybo ka mid ah xaafadaha degmada Xamarweyne waxaana la sheegay in waxyeeli kasoo gaartay Sarkaal ka tirsan ciidamada Boliiska.

Qaraxa ayaa si gaar ah waxa uu uga dhacay inta u dhaxeysa dhabarka dambe ee wadada marta guriga hooyooyinka iyo barxadda iskaashatooyinka.

Warar soo baxaya ayaa sheegaya in qaraxaan oo ahaa mid gaarigiisa loogu xiray Sarkaal ka tirsan ciidanada Boliiska ay waxyeelo kasoo gaartay isaga iyo qaar ka mid ah ilaaladiisa.

Ciidamo ka tirsan dowkadda ayaa goobta gaaray waxaana ay dadka u diidayeen in lagasoo agdhawaado goobta qaraxu ka dhacay.

Ilaa iyo haatan taliska ciidanka boliisku kama aysan hadal qaraxa saakay ka dhacay magaalada Muqdisho.

 

 

Comments
Loading...