Faah-Faahin ka soo baxaysa Shil Gaari oo ka dhacay Degmada Waabari

Waxaa saakay Wadada 21-ka October ee degmada Waabari ka dhacay Shil Gaari oo sababay khasaaro dhimasho iyo dhaawac kadib markii ay isku dhaceen laba gaari oo marayey wadadaasi.

Goob-joogayaal ayaa usheegay Radio Dalsan inay isku dhaceen gaaari Xamuul ah iyo gaari nuuca Yaryar ee loo yaaqaano Noah-da oo marayey wadadaas,waxaana lasoo wariyey inuu ka dhashay Khasaare isugu jira dhimasho iyo dhaawac,iyada oo la sheegay in halkaasi ay ku dhinteen laba ruux,islamarkaana uu dhaawac soo gaaray Qofkale.

Wadada uu Shilka ka dhacay ayaa ah wada mashquul badan, islamarkaana ay isticmaalaan gaadiidka Xamuulka ee Dekedda oo aan loo ogoleyn wadooyinka qaar ee magaalada, waxaana dhoor jeer oo hore wadadaasi ka dhacay shilal gaari oo geestay khasaare nafeed.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media