Dagaalka u dhexeeya Ciidanka Somaliland iyo dadka shacabka ee kunool Magaalada Laascaanood ee Gobolka Sool ayaa Maanta ka dhacay qeybo kamid ah Magaaladaas.
Dadka deegaanka oo la hadlay Warbaahinta ayaa sheegay in dagaalka uu yimid,kadib markii Ciidamo ka socda Wasaaradda Hawlaha Guud ee Somaliland ay saakay ka howlo burburin ka bilaabeen Guryo ku dhex yaalla Xarunta Wasaaradaas,isla markaana ay degan yihiin dad shacab ah.
Intaasi kadib ayaa dadkii shacabka ahaa ee deganaa Xarunta Wasaaradda Hawlaha Guud ee Somaliland waxaa ay Ciidanka kala hor tegeen rasaas,iyadoo uu sidaas dagaalka ku bilowday.
Sidoo kale dagaalka ayaa lagu soo waramayaa inuu ku dhaawacmay hal qof oo kamid ah dadka deegaanka,kaasi oo la dhigay Isbitaalka guud ee Magaalada Laascaanood.
Xaafadaha qaar ee Magaalada Laascaanood ee Gobolka Sool aya waxaa mararka qaar laga maqlayaa rasaas goos goos ah oo isdhaafsanayan Ciidanka Somaaliland iyo dadka shacabka ee halkaas ku sugan.
