Maxkamadda Federalka ee Wichita ee Gobalka Kansas waxaa lagu wadaa in gelinka dambe ee maanta la soo taago 3-dii Eedeysane ee doonaysay inay gaari miineysan ku qarxiyaan Masjid iyo Dhismo ay Muslimiin u badan Somali ka degan yihiin Degmadda Garden ee Gobalka Kansas.
Eedeysanayaashaasi oo lagu kala magacaabo Curtis Wayne Allen, Patrick Eugene Stein iyo Gavin Wayne Wright ayaa la qabtay Jimcihii la soo dhaafay, kadib, markii ay FBI-da dhowr bilood ku raad-joogeen raggaas oo qorsheynayey inay adeegsadaan Hub xasuuq ba’an geysan lahaa.
Eedeysanayaashaasi oo ka tirsan Koox Maleeshiyo ah ayaaqorsheynayey inay gaari Xamuul oo laga soo buuxiyey waxyaabaha qarxa la beegsadaanDhismo ay ku nool yihiin ku-dhawaad 120 qof oo Somali ah oo ku yaalla Degmadda Garden.
Maamulayaasha waxay kaloo sheegeen inay Eedeysanayaasha ka hadleen sidii ay u weerari lahaayeen Kaniisadaha taageeradda ka geysta Dib-u-dejinta Qaxootiga iyo sidii ay u heli lahaayeen shaqo.
©Radio Dalsan
Â
