Xili ay fooda nagu soo hayaan xili roobaadka ayaa dowlada hoose ee Xamar wax ay wadaa da’daala lagu xoojinaayo dib-habeynta goobaha biya mareenka ah ama bulaacadaha ee wadooyinka Caasimada si ay hakad u galin isku socodka gaadiidka iyo dad weynaha.
Guddoomiyaha Gobolka Banaadir ahna duqa Magaalada Muqdisho Cumar Maxamud Maxamed (Cumar Filish) ayaa howla kormeer ah ku sameeyay waraha loogu talagalay in lagu keediyo ama lagu xakameeyo daadka roobka.
Goobaha uu kormeeray gudoomiye Cumar Filish waxaa kamid ah Degmada Boondheere, degmada Hiliwaa, Qashin weynaha Muqdisho, degmada Warta Nabada, iyo wadada Daaru-Salaama ee kala qeybisa degmooyinka Deyniile iyo Yaaqshiid.
Duqa Magaalada Muqdisho ayaa inta uu kormeerkani kujiray waxa uu kula dardaarmayay maamulada degmooyinka iyo Shacabka in ay muujiyaan kaalintooda ku aadan u diyaar garowga xili roobaadka iyo sidoo kale in la xoojiyo ilaalinta nadaafada iyo bilicda Caasimadda.