Dowladda Soomaaliya oo Heshiis Heer Caalami ah saxiixday

Heshiiskaan ayaa waxa uu ka dhacay Xarunta Qaramada Midoobay ee Malada Newyork,waxana uu yahay mid la xiriira cahdiga Qaramada Midoobay ee dhowrista Xaquuqda ay leeyihiin dadka naafadaha ah.

Wasiirka Wasaaradda Haweenka iyo horumarinta xaquuqul insaanka Dowladda Federaalka Soomaaliya Deeqo Yaasin oo ku sugan Magalada Newyork ayaa heshiiskaas saxiixday,waxana Soomaaliya ay noqotay dowladii ugu dambeysay ee saxiixda.

Golaha Wasiirada Soomaaliya ayaa todobaadkii la soo dhaafay waxa ay ansixiyeen in somalia ku biirto qaraarkaan,iyada oo Soomaliya ay ka gashay dalalka ansixiyey kaalinta 178-aad.

Dalka Soomaaliya ayaa waxaa xilligaan ku nool Kumanaan ruux oo ku naafoobay dagaaladii sokeeye ee dalka ka dhacay iyo dagaalkii 1977 dhexmaray Soomaaliya iyo Itoobiya,kuwaas oo aan heysan daryeelkii ay u baahnaayeen.

About Dalsan Editor

View all posts by Dalsan Editor