Dowladda Soomaaliya oo farriin u dirtay Madaxweynaha Turkiga iyo Shacabkiisa

Dowladda Soomaaliya ayaa ugu hambalyeysay Madaxweyne Recep Tayyip Erdogan iyo shacabka Türkiye Munaasabadda 101-aad ee Maalinta Jamhuuriyadda Türkiye. Maalintani waxay u tahay dabaaldeg xoogga, midnimada, iyo dadaalka joogtada ah ee Jamhuuriyadda Türkiye.

Qoraal kasoo baxay Wasaaradda arrimaha dibadda Soomaaliya ayaa lagu yiri “Halgan geesinimo leh oo loo galay xorriyadda, oo uu horseeday Ghazi Mustafa Kemal Atatürk, wuxuu boos sharaf leh ka haystaa taariikhda caalamka. Go’aankii aan la daboolin ee shacabka Turkiga ay ku xaqiijinayeen xorriyadooda iyo aasaasidda jamhuuriyad madaxbannaan wuxuu dhiirigelin u ahaa ummadaha caalamka oo dhan. Safarkooda geesinimada leh wuxuu tusaale u yahay awoodda adkeysiga, aragtida fog iyo hoggaaminta togan si loo gaaro himilooyinka qaran”.

Ugu dambeyntii Qoraalka Wasaaradda arrimaha dibadda ayaa lagu yiri”Soomaaliya waxay garab taagantahay Türkiye, iyadoo aqoonsan xidhiidhka saaxiibtinimo iyo qiyamka wadaagga ah ee mideeya labada dal. Waxaan rajeynaynaa inaan sii xoojino iskaashiga aan ku raadinayno nabad, barwaaqo, iyo horumar ay wada gaaraan shucuubta labada dal”