Dowladda Soomaaliya iyo Midowga Afrika oo War kulul kasoo saaray weerarkii Ceelbaraf

Dowladda Soomaaliya iyo Midowga Afrika ayaa cambaareeyay weerarkii Al-shabaab ay ku qaadday saldhig ay leeyiiin Ciidamada Burundi ee ka tirsan kuwa Midowga Afrika oo ku yaalla tuulada Ceel-baraf oo ilaa 65km dhnaca Waqooyi ka xigta Magaalada Jowhar.

Bayaan uu soo saaray Guddoomiyaha Midowga Africa Moussa Faki Mahamat ayuu ku sheegay inuu ‘si adag’ u cambaareynayo weerarkan, isaga oo intaas ku daray in aysan weerarkan foosha xun aysan hoos u dhigi doonin go’aannada ciidamada ATMIS.

Dowladda Soomaaliya ayaa iyana dhinacaeeda cambaareysay weerarkan, kaas oo ay ku tilmaatan inuu ahaa mid ‘fool xun’ iyadoo sidoo kale tacsi uga dirtay shacabka iyo dowladda Burundi waxyeellada kasoo gaartay ciidankooda.

War-saxaafadeedka Wasaaradda Arrimaha Dibadda Soomaaliya ayaa sidoo kale Beesha Caalamka ka codsaday inay kordhiyaan taageerada ay siiyaan ciidamada dowladda iyo kuwa Midowga Afrika ee la dgaallanka Al-shabaab.

Al-Shabaab ayaa sheegtay in ay dileen 173 ka tirsan ciidamada Midowga Afrika ee ATMIS, iyagoo sidoo sheegtay in ay gacanta ku dhigeen ciidamada kale oo ay ku sheegeen ‘maxaabiis dagaal.’ Labada sheegasho si madax-banaan looma xaqiijin karo.

Dowladda Soomaaliya iyo Taliska Midowga Africa midkoona faah-faahin dheeraad ah kama bixin khasaraha weerarkan oo shalay waaberigii hore ee shalay, kaasi oo ku bilowday Qaraxyo Is-miidaamiin ah loo adeegsaday gaadiid laga soo buuxiyey.

About Dalsan Editor

View all posts by Dalsan Editor