Dowladda oo soo saartay Digniin la xiriirta weeraro lala damacsan yahay Muqdisho

Dowladda Federaalka Soomaaliya ayaa Maanta soo saartay Digniin cusub oo ku socota shacabka kunool magaalada caasimadda ah ee Muqdisho, taasi oo la xiriirta weeraro ka dhaca magaalada oo ay dowladda sheegtay inay qorsheysanayaan Al-shabaab.

War-saxaafadeed kasoo baxay Wasaaradda Warfaafinta Xukuumadda Soomaaliya ayaa waxaa lagu sheegay in shacabka looga baahan yahay inay muujiyaan feejignaan guud, inta ay dalka ka socdaan howlgalada ka dhanka ah dagaalamayaasha Al-shabaab.

Wasaaradda Warfaafinta ayaa milkiileyaasha hoteelada, maqaayadaha iyo goobaha kale ee ganacsi, kuna yaalla magaalada fartay inay iyaguna muujiyaan taxadar dheeraad ah, sidoo kalane dowladda ayaa shacabka uga digtay inay tagaan meelaha khatarta uga imaan karto.

Sidoo kale Warka kasoo baxay Wasaaradda Warfaafinta Xukuumadda Soomaaliya ayaa intaas kusii daray in shacabka looga baahan yahay inay la shaqeeyaan laamaha ammaanka dowladda Federaalka, si looga hortego falalka amni darro ee dhaca.

Hoos ka Akhriso Warka kasoo baxay Wasaaradda Warfaafinta

 

About Webmaster

View all posts by Webmaster