Dowladda Federaalka Soomaaliya ayaa Maanta shaacisay in mar kale dib loo dhigay furitaanka duulimaadyada gudaha dalka , sababo la xiriira faafida Cudurka halista ah ee Coronavirus.
Wasiirka Gaadiidka iyo Duulista Hawada XFS Maxamed Cabdullaahi Salaad Oomaar oo la hadlay Warbaahinta Qaranka ayaa waxaa uu sheegay in mar kale dib loo dhigay furitaanka duulimaadyada, xili lagu waday in duulimaadyada gudaha la furo dhamaadka bishaan.
Waxaa uu sheegay Wasiir Oomaar in weli Cudurka COVID-19 ee ka jira dalka uu marayo Marxado kala duwan, isla markaana aynan aheyn in Cudurka dib loogu soo geliyo moolo uu ku yaraaday ama la geeyo meel uusan gaarin.
Wasiir Oomaar ayaa dhawaan dowladda sheegay in duulimaadyada diyaaradaha gudaha isaga kala goosha la furayo dhamaadk Bishaan Juun, hayeeshee Go’aankaas ayuu tilmaamay in dib looga noqday, sababo la xiriira faafitaanka Cudurka COVID-19.
