Dowladda oo ka hadashay xaaladihii ugu dambeeyay ee Cudurka COVID-19

Wasaaradda Caafimaadka Xukuumadda Federaalka Soomaaliya ayaa shaacisay Dad Cusub oo laga helay Cudurka halista ah ee COVID-19, kadib markii lagu sameeyay baaritaano kala duwan.

Warbixin ay soo saartay Wasaaradda Caafimaadka ayay ku sheegtay in 48-dii saac ee lasoo dhaafay Cudurka laga baaray 1,906 qof, isla markaana 242 qof oo kamid ah dadkaas laga helay Cudurka.

Dhammaan dadka laga helay Cudurka ayaa ku kala sugan Somaliland (111), Puntland (75), Koonfur Galbeed (16), Hirshabeelle (12), Galmudug (11), Jubbaland (10) iyo Gobolka Banaadir (7), waxaana 127 kamid ah dadkaas ay yihiin Rag, halka 115 kalena ay yihiin Dumar.

Sidoo kale Wasaaradda Caafimaadka Xukuumadda xilgaarsiinta aya sheegtay in saacadihii lasoo dhaafay Cudurka ay Somaliland ugu dhinteen 10 qof, Galmudug 2 qof iyo Muqdisho 2 ruux, isla markaana waxaa ka bogsatay 67.

Tirada Guud dadka uu ku dhacay Xanuunka COVID-19 ayaa gaartay 13,079 qof, waxaana ka bogsaday 5,411 ruux, isla markaana gudaha Soomaaliya ay ugu geeriyoodeen 668 qof, sida ay shaacisay Wasaaradda Caafimaadka dowladda.

About Dalsan Editor

View all posts by Dalsan Editor