Wasiirka Arrimaha Dibedda ee dalkaasi, Borge Brende ayaa hadalkaasi sheegay, kadib, markii uu dhamaystay Booqasho Rasmi oo uu dhawaan ku soo kala bixiyey dalalka Somalia, Ethiopia, Kenya iyo Koonfurta Suudan.
Hadl-qoraal oo ka soo baxy Wasaardda Arrimaha Dibedda ee dalka Norway ayaa lagu sheegay inuu Wasiirku walaac xooggan ka muujiyey Xiisadaha Siyaasadeed iyo Xukunka Degdegga ee ka jira dalka Ethiopia.
Wasiirka Arrimaha Dibedda ee dalka Norway waxa uu muddo 4 maalmood booqasho ku joogay dalalka Geeska Afrika, isagoo la kulmay Saraakiil ka kala tirsan Dowladha Somalia, Kenya, Ethiopia iyo Koonfurta Suudaan.
Qoddobadda uu Wasiirkaasi kala hadlay Madaxda dalalka uu booqday ayaa kala ahaa Xaalladda Somalia, Hawlgalka AMISOM ee ay kula dagaalamaan Xarakadda Alshabaab, Doorashadda soo socota ee Somalia iyo Kenya, Xiisadda Ethiopia iyo Colaadaha iyo Macluusha ka jirta dalka Koonfurta Suudaan.
©Radio Dalsan
